Lenggewil und Hasle

S drettletste Wocheend isch au bereits scho wiedo verbi. Da Wocheend sind mer am Fritig z Lenggewil gse. Es isch e super Party gse und de Uftackt is Wocheend isch ös super glunge.
Am Samstig isches den so wiit gse und mer hend wiedo dörfe of Hasle go. Nocheme chli nasse Mönsterli sind mer is s’Schöfli und Rössli gange und hend dai en subere Uftrett ane glet. Krönig vo dem Obet isch den i de Turnhalle gse. De Uftrett isch am 2200 Uhr gse. Es isch en super Uftrett gse. Soger e Schlagzüg isch fast ossenand keit :P.

Noch dem strenge Wocheend erholomo ös jetzt dör d Woche wieder so dasmo fit sind förs nöchste Wocheend. Mer sind am Schmudo Appezell aztröffe und natürlich am Samstig au wiedo z Appezell awesend.

Es Grüsst

de Guggeblogger

Guggenball Gams

Am Samstig sind mer of Gams gange. Zerst hend mer verrosse en 10 Minütige Uftrett gha. De Uftrett isch sehr guet gse trotz em chalte wetter. Nochem erste Uftrett hend mer gnueg Ziit gha zom ös lostig z’mache ösen letst Uftrett isch nämlich erst am 0030 gse. De Uftrett isch super gse und de Zueschauer hets globes au recht gfalle mol e Gugge osem AR zgsie.

Nöchst Woche sind mer z Lenggewil onderwegs und am Samstig den z Hasle.

 

Es Grüsst

De Guggeblogger

Hooptversammlig

Mer hend ös am halbi 7nii im Ochse z’Stää troffe ond de abtrettend Präsident het alli begrüesst. Nochem Johresbricht vom Präsident, Aktuar und vom Musikalische Leiter, hemer 8 Ustrett möse verzeichne. Au e Neumitglied isch eistimmig ufgno worde. Hansueli, herzlich willkomme bide Dorfnarre!! Nochene sömer zude Wahle cho. Ösen langjöhrige Präsident, de Christian ond d’Kassierin d’Nadine gend s’Ämtli wiiter. D’Marcella als neui Präsidentin und d’Amalia als Kassierin sönd eiistimmig gwählt worde!! Natürli hets au Ehrige ge. De Reto und d’Nadine sönd scho 10 Johr bide Dorfnarre debii. Zum Schluss het de Christian vo ös no es Ahdenke öberchoo. Nomol herzliche Dank, fö din super Job als Präsident.

Nationales Alp Guggentreffen Savognin

Me sönd mit de Gugge da Wochenend z’Savognin am NAGT gse. Nochem Check-in im Cube, hemer e chliise Warm-up gha mit aschlüssendem PaSCHta esse… Nochem Znacht sönd die zwölf Gugge bim Sternmarsch zemechoo, vor de Tuurnhalle! Det hend ca. 400 Gugger probiert de Guggemarsch spiele. D’Spielziit vom Obed isch per Los entschede worde. Mer hends super troffe. Spielziit 21.15! Perfekt wöri säge… So isch den de Uftrett au gse. Genial, öb da viellicht ade verkürzte Spiilziitt glege isch! Well da e Wettspiel gse isch, het jedi Gugge no12 Minute dörf spiele. Um Mitternacht isch den d’Rangverkündigung gse. Well gad de erscht Platz usgruefe worde isch, nemed mer ah dases fö de Zweit glanged het 🙂

Nochere me oder weniger lange Nacht, sömer am 11ii no is Skigebiet ue. Die Fahrt ufem Sessellift isch fö d’Schlagzüüger fascht lebesmüed gse. Es sönd den aber zum Glück ali heil ahchoo! De letscht Uftrett fo dere Saison hemer den noo suuber gmeistered.

Danke allne fö die genial Saison! Erholed eu guet.. bis zom Grömpeli

 

Empfang Alex Baumann, Stääner Maskenbälle

Die letscht Woche hemer am Zischtig ide volle Mehrzweckhalle dörfe ösen Olympiamedalliegwönner Alex Baumann empfange. S’Schötzechörli, d’Musig, e Darbüütig vom TV und zum krönende Abschluss hend au mer no 3 Lieder zum Beschte geh… De Alex isch so beiidrockt gse, das er grad is „unpassend“ (Dorfnarre führed kei Gwändli fö so muskulösi Manne) Guggengwändli gschloffe isch. Mer hend nähmlich usegfonde, das Bobfahrer und Dorfnarre sehr viel gmeinsams hend. Alex fö nöchscht Johr, dömer gern es passends Gwändli ahfertige fö di! 🙂

Am Samschtig hemer den im no völlnere Saal dörfe spiele. Wie immer isches en geniale Uftrett gse. Am 24.00 Uhr hemer den mitem Obergugger of sin Geburtstag ahgstosse. Drom heter den au immerwieder dörfe e Schnäpsli trinke. Nomol alles Gueti fö Zuekunft, liebe Erich.

Nochere me, oder weniger lange Nacht sömer am 11ii am Sonntig au wieder parat gse fö öses traditionell Frühschoppenkonzert vorem Museum. Au det sönd en hufe Lüüt debii gse! Mer hend ganz treue Fans. 🙂 Am 4ii isches den wiiter gange mitem Kindermaskenball. Mer het gse, dases gnueg Guggennochwuchs het. Zu guter Letzt hemer de Böög no uf de letschte Reis begleitet.

Am Mentigobed hemer de krönend Abschluss gha vom Stääner Maskenball. Das Johr isches echli speziell, ösi Guggensaison isch nähmlich no nüd fertig. Mer gsiet ös am Guggentreffe d’Savognin no…..

 

Zombie-Hochziiit, Maskenbälle und Appenzelleromzog

I dere Woche simmo sehr aktiv gse. Es het agfange mit em Schmutzigedonnstig womo zahlrich vertrette gse sind als Zombie. Am Fritig hemer es Ständli gha im Restaurant Schönenbühl. Noch de Wienerli sömer wiiter an Maskeball Bühler. Dai simmo mit viel Konfetti empfange worde und hend en subere Uftrett ane gläät. Aschlüssend simmo an Maskeball Gonte womo ösen letschte Uftrett vo dem Tag gha hend. Am Samstig hemmer ös bereits scho vorem Mittag troffe zom rechtzitig am Appezelleromzog itröffe. De isch wunderbar verlaufe und me hend soger no drüü Junggugger debii gha. Viele Dank nomel a Eu.

Nochem Omzog sind mer den alli verstobe und hend ös den wieder zom Znacht ide Rose igfonde. Dai hets wie all Johr e feine Portion Schnippo ge.

Zom Abschluss vom Obet hemmo den chöne of de Sternebühni össes Abschlusskozert ge.

So noch dem strenge Wocheend wünschi eu allne e erholsami Woche. Denn nöchst Woche isch den gad nomel so streng am Maskeball Stää :).

Stääner Fakelläuferin haslen.ai 2022

Hoii mitenand..

Beizentour, Maskenball Haslen 040

Bräking News:
D‘ Amalia, wird Fakelläuferin a de Olympiade haslen.ai 2022. D’Entscheidig isch dütlich gse, sie het alli Innerröhdler hender sich lo. 🙂

Am Samstig hemmer wieder grossartigi Uftrett gha. Zerst am Mönsterli mit vier Innerrohder Guggene, nochene am Maskeball Hasle und de Schluss isch den im Restaurant Rössli gse.

Wünschet eu e schöni Woche und me gsiet sich sicher nöchst Woche z‘ Appezell.

Beizetuur

Liebi Gugger

Nochere erholsame Woche hemer gest Obet wieder Vollgas ge i de Beize.
De Uftakt isch im Rössli im Schönegrond gse und den simo wiiter id Bläächi-Bar gad nebet de X-Bar :).
Zum Schluss sömer natürlich is Calypso bis id Morgestond.

Hüt gots richtig Hasle hoffentlich gsiet mo sich dai :).

Schöne Tag und bis spöter.