Maskeball Stää

S beste Wocheend vo dere Saison isch leider au scho wieder dörre. Mer hend e riise Fest gha da Wocheend. 
De Uftrett am Samstigobet isch nohzue perfekt gse. Di meiste vo ös hend den wies de Bruuch isch d Nacht dörre gmacht.
Am Morge hemmo den i aller Früeh (11.00) ösers Früehshoppe zom beste ge. S Wetter het passt und dank de viele Lüt wo cho sind, sind den au die letste Narre wach worde.
Am Nomittag hemmo no de Uftrett am Chindermaskeball gha. Wie all Johr simmo noch dem Uftrett voll Konfetti.
Am Obet hend mer no en Uftrett bim Bögg gha. De Bögg het schnell brennt. Somit freuomo ös of en schöne Sommer :).

Und den isches au scho so wiit gse und de letst Uftrett vo dere Saison isch agstande. Am Mentig obet hend mer nomel s beste ge. Isch en supo Obet gse mit vielne Guggene und natürlich de Fääschtbänkler. 
Hoffe er hend au e super Saison gha und mer freuet eu am 10./11. Juni 2017 bi ös am Grömpeli chöne z begrüesse.

Guggeblogger Out.

St. Georgen/Appenzell

Scho isch wieder e Wocheend dörre.
Am Fritig sind mer zerst is Landhuus z Winkle go e Ständli spiele. Es isch en super start gse is Wocheend. Nochem Uftrett simmo den no of St. George gfahre und hend ösen letst Uftrett vom Fritig  gha. Obwohls scho recht spoot gse isch, hets glich no recht viel Lüüt gha. Es isch ebefalls en guete Uftrett gse. Die meiste vo ös sind den nochem Uftrett recht schnell he well mer am Samstig bereits wieder am halbi Zwöfli hend mösse go schminke.

Am Samstig simmo den de ganz Tag z Appezell gse. Mer hend ös alli drof gfreut und wo den s Wetter au no gstumme het, isch alles perfekt gse. De Omzog am Zwo isch zwor streng gse aber ös hets trotzdem huere guet gfalle. Nochdem mer ösi wohlverdiente Schlüch am End vom Omzog abgholt hend, simmo den chli verstobe und hend ös den wieder zom Znacht im Rössli troffe. Nochem Znacht hemmo den no es, zwo gspielt om Rössli und sind den breits wieder Richtig Down Town Appezell gange. Am Elfi hemmo den ösen Uftrett i de Plattegg gha. Obwohls scho recht chalt gse isch, het huere schö Lüüt gha und mer hend e riise Fest gha. Nochem Uftrett hemmo den no chorz mösse e Suechaktion starte um en verlorene Trompetelauf z sueche. Abo au de hemmo gfonde :). E Stond spööter isch den au scho ösen letst Uftrett vo dem Obed gse. Obwohl mer alli nüme ganz fit gse sind, hemmo trotzdem no en guete Uftrett gha.

Nöchst Woche gsiemo ös den z Stää. Mer freuet ös scho wemmo ös den dai gsiend.

 

Es Grüsst

De Guggeblogger

Kloten/Haslen

Da Wocheend hemmo z Chlote gstartet. Mer hend ösen Uftrett imene Klub (wo nebis Floor heest) chöne dörre füehre. Leider hets bi ösem Uftrett no nüd so viel Lüüt gha. Jedoch het sich no e andere Gugge os de Innerschwiiz ebefalls i de Klub veriert und hend trotzdem e Fest gha.
Am Samstig isches den wiedo recht früeh z’Hasle los gange. Am Zwo hemmo ösen erste Uftrett am Chinderomzog Hasle gha. Nocho hemmo den direkt am Chindermaskeball no e Ständli ge. Zom Glück hets nocho den nebis zTrinke ge söss hetomo de ganz Samstig nüd chöne so wiiter dörre züche :).
Noch dene zwo Uftrett hemmo ös den chöne chli entspanne und wie all Johr am Spaghettiplausch mitesse. Deno hemmo den am Mönsterli mitgmacht und sind den gad direkt no is Rössli gange und hend dai au nomel en dörre ge.
Somit hemmo ös guet chöne iiwerme und sind parat gse för de gross Uftrett am Maskeball Hasle. De isch super gse und alli Mitglieder hend alls ge. S Publikum het super mitgmacht.

HUERE GUETE UFTRETT GSE.

Nöchst Woche gsiemo ös z St. George oder den zAppezell.
Bis Bald.

De Guggeblogger

Gossau / Gams

Scho isch wieder e Woche verbi und au a dem Wocheend simmo wiedo wiit ome cho. Am Friitig simmer zerst is Bömmli z Appezell gange nochem Uftrett hemmo no nebis trunke und sind den wiiter richtig Gossau. I de Geisterbar hemmo den ösen letst Uftrett vom Friitig gha. Party i de Geisterbar isch trotz dere früehe Stond scho recht am laufe gse. Mer hend en suubere Uftrett ane glet und hend d Stimmig nomel chli steigere chöne.
Am Samstig simmo denn of Gams. Mer sind gad no rechtziitig as Mönsterli cho und hend ohni lang zwarte ösen erste Uftrett chöne absolviere. Nochem Mönsterli isches au nöd lang gange bis zom zwote Uftrett i de Halle ine. Au do hemmo de Uftrett recht früeh gha. Trotz dere früehe Stond hets Publikum super mitgmacht. A dere Stell nomel en Dank ad Delegazion vo de Moorhüüler. De Uftrett isch super gse.
Nochem Uftrett hemmo den gnueg Ziit gha zom bis i di früehe Morgestonde z’feste.

I hoffe er chönd eu alli guet erhole und mer gsiend ös nöchst Woche z Klote onne oder den ganz sicho z Hasle.

 

Es Grüsst

de Guggeblogger

Rapperswil

Der erst Uftrett dasjohr isch au scho wiedo dörre. Mer hend dasjohr ösi Premiere i Rapperswil gha. Dai hemmo möse am Achti ösen Uftrett züche. Dank ösem Glückself (Mäci) hemmo den ösen erste Uftrett am halbi äs törfe absolviere. Me hend also gnueg Ziit gha zom ös mental und physisch of de Uftrett vorzbereite :).
Ziit isch schnell dörre und so isches den au cho dasmo zmol of de Bühni gstande sind. Noch de erste zwo Täkt hemmo ös den scho igspielt gha und den Uftrett suuber dörre brocht.
Nochem Uftrett simmo den no chli verwiiilet und hend den ös wiedo of de Heeweg gmacht.

Somit wünschi eu e gueti Woche und nüd z‘ streng. Me gsien ös nöchst Woche z Gossau und in Gams.

 

Es Grüsst

De Guggenblogger

Maskenball Stää

So öseri Gugesaison isch scho fast verbi. Da Wocheend hemmo s grosse Finale am Maskeball Stää gha. Es isch wiedomol sensationell gse z Stää spiele. Die ganz Halle het super mitgmacht. Am Sonntig hemmer wie all Johr s Früehshoppe gha. Au da isch super verlaufe trotz de strenge Nacht.Am Nomittag isch de Chindermaskeball gse. Au dasjohr hemmo wiedo chöne vor de chline spiele wa för ös au immo e Highlight isch.
Obwohl es am Nomittag gschiffet het, het de Bögg schnell Füür gfange und somit isch au ösers Stääner Wocheend fertig gse.
Aber es isch no nöd ganz fertig. Hüte spielomo nomel z Stää. Chömet doch hüt au nomel und gnüsset nebst de Dorfnarre au no d Fästbänkler.

Es Grüsst

De Guggeblogger

Appenzell

Am Samstig sind mer de ganz Tag z Appezell gse. Dank em schöne Wetter isch de Omzog super gse. Nochem Omzog hend mer ös chli onder d lüüt gmischt und ös lostig gmacht.
Nochem super z Nacht (Güggeli) hend mer no zo Uftrett gha. Die sind beidi supo acho und mer hend nomel alles ge. Dasjohr sind mer früeh fertig gse mit ösene Uftrett und mer hend mittenand no chöne de Obet/Morge gnüsse.

Nöchst Woche isch au scho wiedo s letste Wocheend för ös. De Maskeball Stää isch ösers grosse Finale und mer freuet ös eu dai zgsie.

Es Grüss

De Guggeblogger

Bad Taste Party Tübach

So de erst Uftrett hend d Dorfnarre bereits hendersich. Das Johr hemmo der erst Uftrett a de Bad Taste Party z Tübach dörfe mache. De Uftrettt hemmo erst am 22:30 gha und somit hemmo ös no guet chöne ufwärme. Es isch en super Uftrett gse und ös hets Fasnachtfieber het ös noch dem Uftrett gad packt.Wie sichs ghört sind mer au a dem Obet solang blebe bis de Plattetröller (DJ) kapituliert het.
Mer freuet ös scho of de nöchst Uftrett am Fritig bi de Beietour z Tüüfe.
Wünsch eu e gueti Woche und hoffe me gsiet sich nöcht Wocheend.

Es Grüsst
de Guggeblogger

Maskeball Stää

So d Fasnacht isch för d Dorfnarre leider scho wiedo verbi. Mer hend da Wocheend e riise Party gha. Agfange hets mit em Maskeball Stää am Samstigobet. De Uftrett isch super gse und die ganz Halle het mitgmacht.
Nochem Uftrett simmo natürlich no nöd hä gange und hend die ganz Nacht dörre gmacht.
Am Morge hemmo den am elfi s Früehshoppe Konzert gha. De Uftrett isch supo gse. Das Johr sind au alli awesend gse und mer hend niemert dör d Nacht verlore :P.
Am Nomittag hemmo den chöne bim Chindermaskeball spiele de Uftrett isch wie immo supo gse und mer hend freud gha a ösne chline Fans.
Am siebni hend mer den no am Böög gspielt. De Uftrett isch en Krönende Abschluss vom Wocheend gse obwohl de Böög e wili brucht het biso brennt het.

Am Mentig hend mer den ösen letste Uftrett gha. Da isch au de letst Uftrett vo ösem Obergugger Erich gse. De Uftrett isch super gse und en schöne Schluss. Im Name vo de Dorfnarre bedanket mer ös nomel bi der Erich för die super 10 Johre als Obergugger. Hesch du guet gmacht :P.

Mer gsiend ös am Guggecup im Juni wieder i meld mi ab und gang e rondi go schlofe :P.

Es Grüsst

de Guggeblogger

Niederwil, Büehler und Appezell

Am Fritig hend mer de erst Uftrett z Niederwil gha. Mitem Monsterkonzert hemmo s Wocheend iigspielt. Nochdem no en vo ös het mösse ushelfe bim dirigiere vomene andere Gruppe hend  mer den ösen Uftrett suber öber d Bühni brocht.
Nochem Uftrett sind mer den gad au richtig Büehler und hend dai ösen letste Uftrett gha vo dem Obet.

Am Samstig sind mer bereits wieder früeh onderwegs gse und hend z Appezell am Omzog teil gno. De isch wiedo super gse und s Wetter het das Johr perfekt mit gmacht. Nochdem mer den en super Nochmittag gha hend, sind mer id d Rose go esse gange. Dai isches wie immer super gse und nochem Esse sind mer alli wieder fit gse. Am elfi hend mer den ösen letste Uftrett gha wo wieder e richtigi Party gse isch. Nochem Uftrett hend den au mer ös onder d Mengi gmischt und de Obet no gnosse ;).

So noch dem Wocheend wünschi eu no e ruhigi Woche und mer gsiend ös nöchst Woche am Finale z Stää a de geilste Party.

Es grüsst wieder

De Guggeblogger