Maskeball Stää

So d Fasnacht isch för d Dorfnarre leider scho wiedo verbi. Mer hend da Wocheend e riise Party gha. Agfange hets mit em Maskeball Stää am Samstigobet. De Uftrett isch super gse und die ganz Halle het mitgmacht.
Nochem Uftrett simmo natürlich no nöd hä gange und hend die ganz Nacht dörre gmacht.
Am Morge hemmo den am elfi s Früehshoppe Konzert gha. De Uftrett isch supo gse. Das Johr sind au alli awesend gse und mer hend niemert dör d Nacht verlore :P.
Am Nomittag hemmo den chöne bim Chindermaskeball spiele de Uftrett isch wie immo supo gse und mer hend freud gha a ösne chline Fans.
Am siebni hend mer den no am Böög gspielt. De Uftrett isch en Krönende Abschluss vom Wocheend gse obwohl de Böög e wili brucht het biso brennt het.

Am Mentig hend mer den ösen letste Uftrett gha. Da isch au de letst Uftrett vo ösem Obergugger Erich gse. De Uftrett isch super gse und en schöne Schluss. Im Name vo de Dorfnarre bedanket mer ös nomel bi der Erich för die super 10 Johre als Obergugger. Hesch du guet gmacht :P.

Mer gsiend ös am Guggecup im Juni wieder i meld mi ab und gang e rondi go schlofe :P.

Es Grüsst

de Guggeblogger

Niederwil, Büehler und Appezell

Am Fritig hend mer de erst Uftrett z Niederwil gha. Mitem Monsterkonzert hemmo s Wocheend iigspielt. Nochdem no en vo ös het mösse ushelfe bim dirigiere vomene andere Gruppe hend  mer den ösen Uftrett suber öber d Bühni brocht.
Nochem Uftrett sind mer den gad au richtig Büehler und hend dai ösen letste Uftrett gha vo dem Obet.

Am Samstig sind mer bereits wieder früeh onderwegs gse und hend z Appezell am Omzog teil gno. De isch wiedo super gse und s Wetter het das Johr perfekt mit gmacht. Nochdem mer den en super Nochmittag gha hend, sind mer id d Rose go esse gange. Dai isches wie immer super gse und nochem Esse sind mer alli wieder fit gse. Am elfi hend mer den ösen letste Uftrett gha wo wieder e richtigi Party gse isch. Nochem Uftrett hend den au mer ös onder d Mengi gmischt und de Obet no gnosse ;).

So noch dem Wocheend wünschi eu no e ruhigi Woche und mer gsiend ös nöchst Woche am Finale z Stää a de geilste Party.

Es grüsst wieder

De Guggeblogger

Guggenacht Speicher & Maskenball Haslen

Die Woche simmo am Fritig zerst in Schönebühel gange go „Schlüch“ esse und zwo drü Stöckli go spiele. Nocho simmo ad d Guggenacht of Spiicher gange. Nochdem mer alli guet itroffe sind hemo den au ösen Uftrett suber döre zogge. Party hemo den no richtig chöne gnüsse und ös schomol istimme of de Samstig.

Am Samstig hemo vo Hasle no chöne as Geburtstagsfest vo ösem Mitglid em Reto. Nomel viele Dank förs zNachtesse :).
Nocho simo den gad direkt of Hasle gange und hend dai am Monster drü Stöckli gspielt. Mer hend den am Obet no im Rössli en Uftrett gha. De isch wie all Johr schö gse und spannend zom luege wa si sich das Johr wiedo ifalle lo hend.
S Finale hemmo den am Maskeball z Hasle gha. Isch wieder e riise Party gse und ösen Uftrett hemo super öber d Bühni brocht :).

I wünsche eu e schöne Woche und mer gsiend ös nöchst Woche am Schmudo oder spötistens am Samstig z Appezell.

Guggeblogger

Beizetour & Bischofszell, Geisterbar

So da Wocheend isch au scho wido dörre. Am Fritig hemmo di alljöhrlich Beizetour gmacht. Well die drüü Uftrett so lang gange sind, hets soger no e z Morgeesse ge wamo natürlich dankend agno hend :).

Am Samstig simmo den of Bischofszell gange womo amel au öses Probeweekend hend. Nochem aspiele bim Monsterkonzert hemmo den de Uftrett i de Halle gha. Leider hemo dai nöd chöne lang verwiile und sind den gad id d Geisterbar gange. Nochem erste Schreck bim ielaufe id d Geisterbar hemmo den au dai en suubere Uftrett ane glet. Well mer recht früe fertig gse sind mit de Uftrett, hemmo den auno ziit gha zom die verschiedene Geister i dere Bar gnauer azluege :P.

So i wünsche eu alne no en erholsahmi Woche und mer gsiend ös nöchst Woche im Spiicher und am Samstig den z Hasle.

Es grüsst der Guggenblogger

Gossau & Maskeball Bernhardzell

Da Wocheend simmo zerst z Gossau am Omzog gse und nochher hemmo gad auno en Uftrett chöne meistere. Gossau isch guet verlaufe und d Uftrett hemo suber gmeisteret.
Bevor mer aber of Bernhardzell a ösen nöchste Uftrett gange sind, hend no paar Mitglieder die wunder schöne Ussichte dörfe vo Gossau gnüsse :P.

Womo z Bernhardzell acho sind isch scho richtig gueti Stimmig gse. Die het au nöd nolo wo mer de Uftrett gha hend. De Höhepunkt vo dem Obet isch gse, wo de ganz Maskeball mit ös „Appezellerland“ gsunge het.

So da wers wieder gse mit em Rückblick vo dem Wocheend.
I wünsche eu e gueti Woche und hoffe me gsiet sich nöchst Wocheend.

Es grüsst der Guggenblogger

Erste Uftrett Villa Wahnsinn

So es isch wieder sowiet de erst Uftrett hend d Dorfnarre scho hendersich.

Mer hend chöne am Fritig die Guggeparty i de Villa Wahnsinn eröffne und hend en guete erste Uftrett aneglät.
Well mer de Uftrett scho am halbi nüni gha hend, hemmo nocho de ganz Obet gha zom de erst Uftrett zfiire.
Wie so oft sind mer di letste wo hä gönd und au a dere Party isches nöd anderst gse.
Mer hend en guete Start ane glet und freuet ös bereits scho of nöchst Woche wemo z Gossau und z Bernhardzell sind.
I dem Sinn guets Wocheend und bis nöchst Woche. 🙂

Grüesst de Guggeblogger

Stääner Dorfwese

Liebe Guggefründe und Fuessballbegeisterti

Hend gad d’Bestätigung öbercho, dass s’Grömpeli definitiv of de Stääner Dorfwese statt föndet.
S Wetter gsiet au nöd so lets us drom gremet eu mol zo vorsicht i. Mer freuet ös of morn und trinket den es zwo Bierli mitenand 🙂

Bis morn und hebet nomel am Wetter sorg. 🙂

Grümpeli

Liebe Guggefründe und Fuessballbegeisterti

Am 14. ond 15. Juni isches sowiit, s’Grümpeli z’Stää föndet statt! Mer hend das Johr wieder viel zbühte und d Mannschafte sind au scho i de Startlöcher.
Chömet doch verbi und lueged die verschiedene Spiel, trinked ond essed näbis feins ond gnüssed e lässigs Fescht.

Am Samschtigobed spieled d’Alpstein Vagabunden und s’Comedy-Duo Voll-Parat bringt eu zom lache. Natürli hemer au e Bar mit feine Drinks.

Bis nöchst Woche und lueget ofs Wetter 🙂

Hooptversammlig

Mer hend ös am halbi 7nii im Ochse z’Stää troffe ond de abtrettend Präsident het alli begrüesst. Nochem Johresbricht vom Präsident, Aktuar und vom Musikalische Leiter, hemer 8 Ustrett möse verzeichne. Au e Neumitglied isch eistimmig ufgno worde. Hansueli, herzlich willkomme bide Dorfnarre!! Nochene sömer zude Wahle cho. Ösen langjöhrige Präsident, de Christian ond d’Kassierin d’Nadine gend s’Ämtli wiiter. D’Marcella als neui Präsidentin und d’Amalia als Kassierin sönd eiistimmig gwählt worde!! Natürli hets au Ehrige ge. De Reto und d’Nadine sönd scho 10 Johr bide Dorfnarre debii. Zum Schluss het de Christian vo ös no es Ahdenke öberchoo. Nomol herzliche Dank, fö din super Job als Präsident.